05.

සුදුම සුදු සුදු නෙළුම
    පිපෙන්නට සැරසේවි
එකම එක එක ඉරක්
    අපිට හෙට පායාවි
හෙටම හෙට හෙට දවසෙ
    අපිට අපි හිමිවේවි
සිතම සිත සිත පතන
    එකම දේ ඔබ පමණි

04.

සමනලුන්ගේ පියාපත්වල
පාට තැවරී තියෙන ලස්සන
සමනල් ත‍ටුවක් වාගෙම ඔබගේ
හදවත ආදරෙ කරනා ලස්සන...

සමනලයා විත් මල් පැණි බීවට
කවදාවත් නෑ ‍රැඳුනේ මල ළඟ
ඔබේ ආදරෙත් සමනලයෙක්මයි
කවදාවත් නෑ ‍රැඳුනේ මා ළඟ...

03.

සේපාලිකා මල් පූදින
කණාමැදිරි එළි වෑහෙන
පුන් සඳ හිනැහෙන රෑකට
පතනෙමි ඔබ හට නිදි සුව!

02.

රෑ අහස් කුස පුරා
දිලෙන තනි තරුවක්ය...
සුදු රෝස යාය මැද
පිපුණු රතු මලක් නුඹ...
ආකාසේ හැඩ කරන
හැති දේදුන්න ඔබ...
දිවිය ඇති තෙක් තුරා
මා ලඟින් ඉන්න නුඹ...!

01.

සඳ නැති කළුවර රෑ ආකාසේ
තනිකම වපුරයි පාලු හදවතේ
ඔබ හා සැරිසැරූ මාවත් අතරේ
මතකය දිවයයි සුසුමන් මැද්දේ